Բարմենների միջազգային օր

Փետրվարի 6-ը շատ երկրներում նշում են որպես բարմենների միջազգային օր: Այդ օրը պատահաբար չի ընտրվել, փետրվարի 6-ին նշվում է քրիստոնեական առաքյալ Սուրբ Ամանդի (584—675թ.) օրը: Հնուց ի վեր նա հովանավորում է գինեգործներին, գարեջրագործներին, առևտրականներին, ինչպես նաև խոհարարներին և բարմեններին: Ըստ որոշ աղբյուրների, բարմենի մասնագիտությունը առաջացել է Ամերիկայի Միացյալ Նահանգներում: Այստեղ մեծ խանութներում սկսեցին ալկոհոլային խմիչքները ներկայացնել առանձին հատվածներում, դրանց մոտ տեղադրելով սեղաններ և աթոռներ: Առաջին բարմեններն էին ալկոհոլ վաճառող աշխատակիցները, որոնք ներկայացնում և հյուրասիրում էին խմիչքները: Առաջին պրոֆեսիոնալ բարմենը համարվել է Ջերրի Թոմասը: Նա 1862 թվականին գրեց և հրապարակեց ուղեցույց բարմենների համար՝ «Bartender’s Guide», որում նա ներկայացնում էր բազմաթիվ խմիչքների և կոկտեյլների բաղադրատոմսեր: Բարմենը պետք է ունենա լավ հիշողություն, արագ կողմնորոշվելու ունակություն... Նա հիմնականում աշխատում է գիշերը, բարձր երաժշտության ներքո, և հիմնականում ոչ սթափ հաճախորդների հետ: Այդ իսկ պատճառով, բարմենի մասնագիտության մեջ կարելի է ասել պարտադիր է հոգեբանի մտածողությունը և հումորը: Շնորհավոր Ձեր տոնը սիրելի բարմեններ...